سعر ومواصفات موبايل Oppo Find X2 Pro
سعر ومواصفات ومميزات وعيوب هاتف اوبوا الجديد وهو Oppo find x2 pro
تفاصيل المنتج
السلام عليكم ورحمه الله وبركاته
أهلا بكم متابعي موقع قطع غيار أونلاين
تم الأعلان عن الهاتف في 6 مارس لعام 2020 , وتم عرضة بالأسواق في نفس اليوم .
1- بعض المواصفات الأولية لهاتف Oppo Find x2 Pro :-
أ- الهاتف يدعم شبكات الجيل الخامس (5G) .
ب- وزن الهاتف 217 جرام تقريبا .
ج- الهاتف يدعم تشغيل شريحتين في نفس الوقت .
د- الهاتف يأتي بنسختين , نسخة الدهر بتاعها مصنوع من السيراميك , والنسخة التانية الدهر بتاعها مصنوع من الأزاز.
هـ - أما الأطار فهو مصنوع من الألمونيوم .
ي - الهاتف مقاوم للغبار والماء حتي عمق 1.5 متر ولمدة 30 دقيقة فقط .
2- مواصفات شاشة الموبيل :-
الشاشة بتبقي كاملة بحواف صغيرة جداا جداا , والكاميرا الأمامية بتبقي تحت الشاشة علي الشمال .
أ- الشاشة من نوع Super Amoled .
ب- وحجم الشاشة 6.7 بوصة .
ج- كثافة بكسلات الشاشة , 1440 × 3168 بكسل , 513 بكسل في البوصة .
د- الشاشة عليها طبقة حماية Corning Gorilla Glass 6 .
3- مواصفات الكاميرا الأمامية :-
أ- الموبايل بينزل بكاميرا أمامية بدقة 32 ميجا بكسل , وفتحة عدسة F2.4 , وحجم مستشعر 1/2.8 بوصة , وتقدر تصور فيديوا بالكاميرا الأمامية بجودة 1080 بكسل .
4- مواصفات الكاميرا الخلفية :-
أ- الموبايل بينزل بثلاث كاميرا خلفية + فلاش ليد .
ب- الكاميرا الخلفية الأولي / بتبقي بدقة 48 ميجا بكسل , وبفتحة عدسة F1.7 , ومن مميزات الكاميرا دي -انها بتعمل كشف تلقائي لضبط بؤرة العدسة , وبتعمل ضبط تلقائي للصورة بالليزر , وان الكاميرا دي بتدعم خاصية التثبت البصري .
ج- الكاميرا الخلفية الثانية / بتبقي بدقة 13 ميجا بكسل وبفتحة عدسة F3.0 , ومن مميزات الكاميرا دي - انك تقدر تعمل زوم حتي 60 مرة , والكاميرا دي بردة بتعمل كشف تلقائي لبؤرة العدسة , وبتعمل ضبط تلقائي للصورة بالليزر , والكاميرا بتدعم خاصية التثبيت البصري .
د- الكاميرا الخلفية الثالثة / بتبقي بدقة 48 ميجا بكسل , وبفتحة عدسة F2.2 , والكاميرا بتعمل ضبط تلقائي للصورة .
هـ - وتقدر تصور فيديوا بالكاميرات الخلفية بدقة 2160 بكسل دا لو هتصور بخاصية 30 أو 60 لقطة في الثانية .
5- نظام تشغيل الموبايل :-
أ- الموبايل بينزل بأحدث نظام تشغيل , وهو أندرويد 10 .
6- مواصفات المعالج :-
أ- الموبايل بينزل بمعالج ثماني Snapdragon 865 (7 nm+) q .
ب- الموبايل بينزل بمعالج رسومي Adreno 650 .
7- مساحة التخزين الداخلية والرام :-
الموبايل نزل بنسختين بمساحات تخزين مختلفة .
أ- النسخة الأولي , بمساحة تخزين داخلية 256 جيجا , 12 جيجا رام .
ب- النسخة الثانية , بمساحة تخزين داخلية 512 جيجا , 12 جيجا رام .
8- مواصفات بطارية الموبيل :-
الموبايل بينزل ببطارية داخلية Built in غير قابلة للازالة بسعة 4260 مللي أمبير .
9- الألوان المتاحة من الموبايل :-
أ- اللون الأسود .
ب- اللون البرتقالي .
10 - أبعاد الموبايل :-
165.2 × 74.4 × 8.8 ملم .
مميزات هاتف Oppo Find x2 Pro :-
أ- أول ميزة في الموبايل انه بيدعم شبكات الجيل الخامس وهي ال 5G .
ب- تاني ميزة وهو ان شاشة الموبيل بيبقي عليها طبقة حماية Corning Gorilla Glass 6 , وطبقة الحماية دي بتدي حماية أكتر لشاشة الموبيل ضدد الصدمات والخبطات .
ج- تالت ميزة وهي ان الموبايل بيدعم خاصية الشحن السريع دا غير ان الموبيل بيبقي جاي معاه شاحن بيشحن بقوة 65 واط , يعني تقدر تشحن موبيلك من صفر % حتي 100 % في خلال 38 دقيقة بس .
د- رابع ميزة وهي انك تقدر تخلي موبيلك يشتغل وكئنة باور , يعني ممكن تشحن أي موبايل تاني من موبايلك .
هـ - خامس ميزة وهي ان الموبايل جاي بكاميرات خلفية وأمامية بتديلك صورة وفيديوا بجودة عالية جداا , الموبيل ده هيبقي مناسب جداا للناس الي بتحب التصوير , وعلي فكرة الموبيل ده بينافس موبايل سامسونج S20 Ultra .
و - سادس ميزة وهي ان الموبايل , مقاوم للغبار والماء حتي عمق 1.5 متر ولمدة 30 دقيقة , يعني ممكن تصور بموبايلك وانت تحت المية علي عمق 1.5 متر وانت مش قلقان .
ز - سابع ميزة وهي ان شاشة الموبايل من نوع سوبر أموليد , ونسبة البكسل بتبقي 513 بكسل في البوصة , ده يعني ان الألوان والصورة هتبقي نقية جدااا معاك .
- ومن مميزات الموبايل انك تقدر تعمل زوووم لحد 60 مرة من غير ماالصورة تلغوش أو تبكسل .
عيوب هاتف Oppo Find x2 Pro :-
أ- أول عيب هو ان الموبيل وزنة 217 جرام , يعني هيبقي تقيل الي حد ما .
ب- ثاني عيب هو أن شاشة الموبيل 6.7 بوصة يعني كبيرة جداا , وده هيخليك تواجة صعوبة وانت بتستخدم الموبايل ب أيد واحدة .
ج- تالت عيب وهو ان الموبايل مفيش فيه مكان للكارت الميموري , وهنا شركة أوبوا حبت تقلد شركة أيفون ولاغت مكان الكارت الميموري وزودت مكان في مساحة الموبيل 256 جيجا و 512 جيجا .
د- رابع عيب وهو ان بطارية الموبيل 4260 ملي أمبير بس , وهنا أوبوا نزلت مواصفات عالية في الموبيل زي كاميرات عالية الجودة , وشاشة سوبر اموليد كويسة جدااا , وشكل خارجي شيك , بس البطارية 4260 ملي أمبير بس المفروض كانت تبقي علي الاققل 5000 مللي أمبير .
سعر هاتف Oppo Find x2 Pro :-
الموبيل سعرة حوالي 1350 دولار امريكي يعني مايعادل بالمصري حوالي 21000 جنية مصري تقريبا .
نتمني ان الموضوع يكون عجبكوا ولو عاوزينا نعمل اي review عن أي موبيل سيبوا تعليق تحت الموضوع واحنا هنعملكوا أي review عن أي موبايل انتوا عايزينة
تقييمات المستخدمين